|
|
|
سرب المعاني تعلت في السما اطيوره و حلت على ديرة فيها الحيا زايد و يوم الليالي اتساءل عن سنا نوره أشرق عليهن بوجهه المصلح الرايد الجود يهوى كفوفه طايع شوره يعطيه و من عقب يعطي للعطا عايد أنهار عشر جرت بالخير مذكوره و دار بها أنهار عشر خيرها وايد شعبه هم أهله و ماله في العرب جوره حامي حمى المجد عز الدوله القايد ما حس بالفقر شعبه و كرم أحضوره و يا ما شعوب تلاهث حيلها بـايد يا كم تمنت عداه تطون ماسوره عنده و تحظى بعفوه لي لها فايد هل هو بشر أو بحر له م البشر صوره يا ذا الملك هو ملك في طيبه الزايد الشمس و البدر و الأفلاك معذوره إنها تمنى مكانه حالها كــايد في يوم عيده جميع الناس مسروره و كل لزايد بيوم الفرحه ايعايد |
|
|
