(لم ترى) يا شيخ مثله لم ترى

 يوم تاتي ساعته فالك يطيب

(لم ترى) والخبرلى عنّه سرى

كاسب الطولات والفوز العجيب

(لم ترى) طير الأبابيل انبرى

كل مهر ينافسه يمسي عطيـب

شفت يوم انّه بعون الله جرى

وش جرى للخيل من أمرٍ عجيب

مثل ما بين الثريّــا والثرى

يفصله عن لى ورا بعدٍ رهيب

في مضامير السباق اتصدّرا

يعل شمس العز عنّه مــا تغيب

لى يخلّي دمعهم يتحدّرا

وكل مبعد عنه في عينه قريــب

هو شهابٍ أو عقابٍ ما درى

وصفه واللّى يرى فعله يشيب

شانه ما بين الخيول امقدّرا

مثل ما بين العرب شان الأديب

(لم ترى) ما هب مهر واحد ترى

 باعتزاله ينتهي الأمرويغيب

هو بداية مجد كان مسطّرا

وكم خلفه من أصيل ومن نجيب

استوى عز العرب لى يذكرا

 وهو بداية عاتي أمواج الغبيب

صار كل الغرب الْنا ينظر

 عقب ما كنّا شرى الضيف الغريب