|
|
جـــروح القلب
|
يا داعج العين و الحيات مقرونه والخد براق ليل في الدجى التالي فيك الحلاوة و الجمال اللي يحيدونه و تحوز عن جملة الآرام يا الغالي محبتك داخلية في القلب مضمونه و لا بد أصبر على مكنون غربالي و القلب منك العواذل لو يعذلونه ما يستمع عذل من جا عنك عذالي لو للهوى شرع في تحكيم قانونه ما كنت مظلوم في تعذيب و نكالي شوف يعالج جروح القلب و طعونه والموت يا صاح من تعذيبك اشوالي راعي يديل سبيب كاسي امتونه متعثكل فوق متني ردفه العالي العين عين أشقر للصيد مضمونه مطلوب مرغوب لو كان الثمن غالي و الخد جنديل يسني من سنا لونه مشراق ضي يشابه نور لهلالي مبعد خلاوي من اللي هم يرودونه يتعب و دونه نزو المبعد الخالي لي يال طاريك همت بروح مشطونه عليه واصفج براحة كفي الخالي مثل الذي هام بصحرى ما يدلونه عليه منها زريج ابزوم شلالي يا ناس خلوه المولع لا تلومونه ما كان ينلام من مثلي على حالي يا بن خليفة بسهم الموت موسونه دنفا و فيها صريم البيض جتالي شواي للي يعرف القاف و وزونه جدواي و يفيدني في رد لمثالي |
|
|
